忠孝東路

营业中

休息中

暑假来到，又系想旅行的季节，去唔到台湾玩，唯有去食台湾野，食好西慰劳自己！于是拣左黎忠孝东路食午餐。香酥怪味鸡配珍珠饭：呢个怪味鸡唔单止唔怪，仲好好味。鸡炸得超级酥脆又不失juicy, 所谓怪味只系佢甜甜酸酸的酱汁，同炸鸡好夹，可以平衡返炸物的热气。鸡份量好多，比出面鸡饭的量多出一倍，而且配埋一大碗珍珠米，好够饱。忠孝牛肉汤面：梗系试左汤底先，好香有淡淡牛肉味，唔系味精汤。牛肉都蚊得好林，好易入口。面质弹牙，好味道呀！宝岛珍珠奶茶：唔记得叫少甜，所以味道偏甜少少，但都饮到香香的奶茶味，而且呢度珍珠系非常非常多，又好𡁻口，啱晒我，正呀！蓝莓巨峰乌龙茶：呢个都系少少偏甜，不过巨峰味同乌龙茶味都好出，两只味几balance到，好饮！食左咁多野都系150元埋单，真心抵食。