台北巷弄 (已結業)

呢间台湾餐厅嘅甜品超好味！今次叫咗两个甜品同埋一个小食。仙草2号呢个甜品入边有仙草冻，芋圆，红豆同绿豆。可能因为系外卖嘅关系卖相虽然唔系咁靓但系非常足料！入边有最少六至七粒芋圆，好多红豆同绿豆！仙草冻非常滑溜，好钟意呢个口感！红豆几绵蜜，好甜！食完之后完全爱上仙草，下次你一定要试吓加咗芋泥嘅仙草冻！红豆3号呢个同仙草系列嘅甜品差唔多，佢唔系糖水而系红豆汤。红豆3号特别嘅地方系加咗椰奶。芋圆一样系咁多，口感烟韧，仲食到少少芋头粒，好正！宜兰三星葱馅饼 总共有两件三星葱馅饼，佢煎到外脆内软，好多肉汁，三星葱味好香！如果佢可以有多啲三星葱就好啦！钟意食葱嘅人一定会钟意食呢个馅饼。