台北巷弄 (已結業)

心思思想食台湾小食，见到呢间台北巷弄有好多小食，仲有齐卖飞佛嘅地瓜条、台湾香肠同芋圆，考虑咗一秒就决定要食晒佢地🤤 . 台湾香肠 配有几片生蒜，听讲呢个系台湾正宗嘅食法，不过生蒜唔系我杯茶，我都系专注食香肠啦！ 香肠外皮脆口，食落肥瘦适中，有油香，我一直念念不忘就系呢个味道喇🤤 .炸地瓜条 睇外表平平无奇，食落至知有惊喜，每条地瓜条都好香甜，又带少少甘梅粉嘅酸甜味，轻轻松松就食晒一份🤤 .鲜草冻椰果手工芋圆钟意食芋圆除咗因为烟韧嘅口感，同时系因为见到呢个色彩缤纷嘅配搭觉得好疗愈，而且台北巷弄呢个芋圆甜度啱啱好，推介推介👍🏼👍🏼