大公雞 (已結業)

初初开业嘅时候，已经觉得呢度嘅牛肉面好好食，汤底好清甜， 只系牛肉炖汤，系真系可以当汤饮𠮶种， 开业已经一段时间，但味道依然keep到，抵赞！今次试咗佢个麻辣三宝，初时仲以为会系鱼旦之类，原来系有牛肉牛筋猪肠， 牛筋炆得好林， 而且唔会有 sticky感觉， 个人非常之怕𠮶种口感， 所以呢度嘅牛筋绝对可以encore！ 但要提提大家，食牛肉面一定要饮埋个汤底，食饱之后先叫佢嘅餐饮！今次系第二次食佢嘅炸猪扒， 上次食热辣辣，今次食就有啲失色，只系暖笠笠， 可能因为饭市太多人，预先预备嘅关系挂！但整体嚟讲，食物嘅质素非常唔错，而且性价比高， 喺附近返工嘅人嘅首选！