好媽媽台灣館 (已結業)

台湾系好多香港人钟意去嘅地方，因为小食又好食又多款色。好妈妈嘅味道真系令人寻回系台湾旅行嘅回忆。墙上挂有好多台式嘅摆设，形造浓浓嘅台湾古早味。要左一个不吃不可嘅套餐，另外加多左个蚵仔煎。 凉拌苦瓜为晚餐带来清新嘅开始。碧绿色好新鲜，苦瓜亦够爽口。第一个味道系甜甜酸酸，然后先有苦瓜清清嘅苦口，一种回甘嘅味道，挺适合夏天。肉燥饭可以话系台湾嘅代表。肉燥瘦肉肥肉分布刚好，切得够细粒，卤得入味，斋捞饭已经够吸引。本来以为咁大碗饭，肉燥会唔够，但捞匀会发现肉燥份量够哂。香酥大鸡扒个香味一闻就已经好台湾，完全系台湾食炸鸡扒嘅香味。鸡扒真系炸得十分酥脆，外皮亦劲薄，皮与肉并唔会分离。鸡扒已经腌得够味，如果想再惹味d，可以点埋胡椒粉。蚵仔煎卖相同味道都做得够哂台式风味。口感好滑流，咬落几Q，蚵仔份量亦够多。加左菜同蛋煎，口感丰富得嚟又健康。餐饮包一杯台式饮品，冻胚芽珍珠唔洗加钱，甜度啱啱好，珍珠算有咬口，加埋胚芽，令饮品更香。