請坐 (已搬遷) 新店位置

有个记者朋友大赞呢间得，于是有日响西营盘就试左啦。果日lunch无记错好似12:00先开门，但现场已经有短短人龙啦，好在一开门就有位唔洗等。餐厅装修极简陋，讲白啲系无装修，几块白色墙、挂左啲display foamboard. 我估佢地应该系不时借个场比某啲文青团体搅下展览咁啦，总之装修系无。店舖面积好细，坐得30人到。当日叫左个鸡肶饭，因为个fd 系show 鸡肶饭张相而吸引我去试呢间，睇相以为系卤水肶，黎到先知系腌肶、无汁果只。幸好饭上面拌左㗎喱汁同超鲜嫰嘅芥兰，只肶系有啲干身，但腌得几入味，加埋杯珍珠奶茶，的确系一餐好地道嘅台式午餐。而且就系地方简陋、午餐亦绝不卖弄花巧，反而真的让我感受到最朴实、最贴地的妈妈味道。