小王牛肉麵 (已結業)

【小王牛肉面】，我依稀记得自己好耐以前食过一次。今次系第二次，主打台湾菜，一开始挣扎左好耐要单叫定食二人餐，最后选择左二人餐。叫左香辣牛肚粉皮，盐酥拼盘，凤梨黑醋骨，蒜子鱼汤娃娃菜（漏影相），饮洛神花山渣茶。两个白饭😂唔记得系咪附送定另计，因为我都食左一两个星期先有空闲时间写下。盐酥拼盘有鸡粒，有豆腐，调味唔错，唔会过咸 ，但鸡粒比豆腐粒稍逊。鸡粒炸粉较多，肉质较韧。凤梨黑醋骨味道系似咕噜肉个种，酸酸地，青椒依旧只系装饰，冇咩味道可言。黑醋骨好食，但每一旧都会有骨，有时啲骨都有啲尖，要慢慢食。我都唔小心整损左😑。菠萝甜味较酸味重，系几好食。香辣牛肚粉皮辣味可接受，主要系香，唔系辣。牛肚腍入味，比街边牛杂好食。粉皮有通透感，食落系有咬口的肠粉，但唔似肠粉个种质感，可能加入左薯粉🤔?粉皮感觉几新鲜。鱼汤娃娃菜，系灼菜，较健康，娃娃菜比较吸水，充满鱼汤味，算唔错。洛神花山渣饮品要另外加钱，视乎叫边种饮品加几多，店员会讲。我认为如果少冰会更好饮，洛神花配山渣，味道上有层次感，几特别，一开始饮到洛神花，之后系山渣味。当你饮到中段，因为冰融化，味道好淡，似饮无味冰水。晚饭二人餐价钱🤔加一，大约22