壺

营业中

休息中

朋友们都知道我系极度钟意饮珍珠鲜奶🧋，疯狂嘅程度系试过每日返工都可以饮一杯🙈。最近就发现中环怡和大厦嘅BaseHall新开咗间台式饮品店，趁住过去做嘢即刻就去试吓。佢哋嘅饮品系由🇹🇼台湾师傅研发，材料仲系由台湾直送，而且系全港首间以果冻作主题嘅茶饮店，坊间真系好少有。嚟到第一时间紧系叫我最钟意嘅🧋黑糖珍珠鲜奶先啦，因为我觉得最基本嘅嘢，有时亦都系最难整得好饮同易俾人忽略，但系呢度真系冇令我失望，饮得出好真材实料，珍珠好有咬口😍又唔会太甜，鲜奶亦都好有奶香🥛，我拣嘅系5分甜，甜度啱啱好👍🏻另外再试咗佢哋嘅🍹干白桃香绿，再加多埋佢哋推介嘅桃花红茶冻，成杯都好有茶香👍🏻，一样都系唔太甜。淡淡嘅白桃味，再加埋茶冻，件事都好夹好好饮。建议大家都可以试吓佢哋嘅茶冻，真系唔错，好香茶味，而且佢嘅茶冻唔系好似一般啫喱咁一督就烂，系会咬到嘅，呢杯我都好推介。呢度环境都好舒服，你可以好悠闲咁喺佢嘅bar位静静地享受你嘅饮品。整体嚟讲，无论环境定系饮品，呢度我都好推介👍🏻