古早味台灣原味 (已結業)

呢晚同朋友想食台湾野，咁系铜锣湾附近就揾到呢间叫古早味既台式餐厅，距离地铁站都几近，3分钟路程，上到去估唔到原来星期一都要等位，咁等左一阵我地就入座了，呢间系一间环境唔错既台式餐厅。餐厅餐牌:餐厅餐牌既选择非常多，基本上平时你想食既台湾野，你都会系古早味呢间餐厅揾到，个人觉得小食同饮品都吸引，好适合一班人黎叫劲多Share。宜兰葱馅饼 $28呢个宜兰葱馅饼几质感几特别，佢有小小似生煎包，但系内里系超多葱，个人觉得味道不错，不过系有小小油，喜欢油炸食物既人一定会钟意呢个宜兰葱馅饼。蚵仔煎 $52呢个蚵仔煎系我觉得成晚最惊喜既小食，其实古早味既蚵仔煎唔系传统味道既蚵仔煎，佢系有蛋饼既味道，咬落去味道口感都劲似蛋饼，蚵仔既份量都够，真系几唔错。珍珠奶茶 $18珍珠奶茶味道正常，价钱都还可以，珍珠软硬度适中，平时食亲台式餐厅，我觉得一定要饮下珍珠奶茶！古早味牛肉面 $65古早味牛肉面超好味，牛肉有3块，超入味，红萝卜都好软口，一咬就分得开。