KiKi麵店 (K11 Musea)

营业中

休息中

胡麻棒棒腿拌小醋面 $118由米芝连二星名厨小西充创作，绝对系夏日炎炎嘅凉面主打。面质弹牙烟韧，食落好清爽又唔张口，鸡腿肉唔干但未至于水嫩嫩。芝麻酱+香醋嘅配搭非常之有惊喜，酱汁带芝麻香，后劲有淡淡嘅醋酸，啱晒热天食，而且酱汁份量恰到好处，唔会食到成嘴都系汁。$118嚟讲，定价系有少少贵😢脆皮大鸡排饭 $88大！好大块鸡排，外面嘅炸衣偏厚，但脆度100分。肉质唔会干柴，而且唔会油腍腍，加埋表面嘅辣粉，非常惹味，可惜白饭质素差，松散又冇饭香。宝岛卤大排饭 $88宝岛指嘅系台湾，而卤大排绝对系去台湾旅行必食之一。大大块肉排，主要食卤水味，卤水酱香而唔会死咸，外面薄薄一层炸衣完美锁住肉汁，绝对唔会觉得干柴，但白饭依然差。