春禧堂台灣料理餐廳PLUS (已結業)

今日工作好忙，唯有叫外卖做晚餐，今晚试下春禧堂。我哋两个人食，叫咗红烧腱心牛肉面（纯牛骨汤）、芋泥肉松吐司、蚵仔煎、麻辣鸭血同饮品，够晒有台湾风味 🇹🇼 佢嘅红烧腱心牛肉面好好味，腱心牛肉好有咬口，可能系慢煲牛肉，佢嘅肉质非常juicy，牛肉面非常弹牙，用意粉嘅角度就系al dente ，而佢嘅牛骨汤都好鲜甜🍜个芋泥肉松吐司好惹味，芋泥同肉松好夹，系下午茶嘅首选🥪我哋再叫麻辣鸭血及蚵仔煎。蚵仔煎嘅蚝仔好大只，份量又多，好味，真系抵食🍳🦪麻辣鸭血嘅麻辣好惹味，又有啲芋丝，好衬鸭血嘅咬口，种麻辣有好多层次，但唔会食到好𢲡喉咁🌶肥牛配上酸菜汤好配合味道，鸡肉，好嫩滑，牛肚好有咬口😋我哋叫了杯蜜桃乌龙芦荟及百香果锡芦荟，清热及好饮，真系令人食指大动，美味无穷🥰下次我想试吓惹味牛腩面、浓汤饺子同埋芝士肉松司😋😋总括嚟讲，虽然系外卖但绝对冇影响食物嘅质素，例如啲面冇腍啤啤咁，同佢准备得好快，所以好适合繁忙日子去食。我会迟啲揾次试下堂食，应该会更加正🤪