圓山台灣料理 (已結業)

今日黎到尖沙咀同前辈一齐上堂，落堂之后就一齐黎诺士佛台既圆山台湾料理食晚饭。上咗一层楼梯之后见到间铺都几大下，仲有好多白领放咗工过黎食饭tim~人数多既话可以坐圆枱，大家可以一路食一路倾计。一坐低，店员好快就会黎问饮咩茶，同埋放低一小碟蒜蓉青瓜，味道清清地。因为想食比较有台式味道既小食，所以台式双拼拣咗彰化盐水鸭同埋台式鸭舌。彰化盐水鸭好入味，咸咸地而且肉质嫩滑，唔驶点侧边既白醋都够好味。台式鸭舌就辣辣地好过瘾，少少既肉配搭住少少既软骨，十分有嚼口。蚵仔煎一上枱就圆圆一饼，可以跟据自己既喜好用刀切开，要几大切几大。蛋煎得香之余，蚵仔饱满，食落有D似啫喱既口感，几得意，加咗韭菜之后变得更香。三杯鸡系台湾地道既家常菜，每次一上枱，就可以令你垂涎欲滴。三杯系指酱油、麻油同埋米酒。当店员放小砂锅上枱时，仍然吱吱作响，热力令到香味更扑鼻。鸡件被均匀地染至上色，显得出每件鸡件都十分入味，而且唔会鞋口，十分嫩滑惹味。见有咁多美味既小菜，所以叫咗碗台式卤肉饭。饭上面有两块卤肉，肥美既猪肉透著油光，加上香浓既酱汁。虽然感觉好肥，但系你会忍唔住放入口。食完之后，你会嫌两块实在太少。流沙包系我每次去饮茶都一