八時神仙草 (厚福街)

营业中

休息中

厚福街新进场台湾仙草冰，前排夜晚见好多人排队，今次就系晚市时间前先入去试吓！我哋嗌咗佢两款甜品！第一款系白苦瓜爱玉嫩仙草盛盘。白苦瓜薄片食落会有回甘，相信钟意食苦瓜嘅朋友会好喜欢！佢嘅仙草好特别，比平时嘅冇咁黑食落好滑嫩，唔会过甜，再配上爱玉好好食另外佢有附送芋圆，芋圆相信系自家制，比平时嘅有口感，芋头味都比较浓，咬落又烟靭有惊喜！上面嘅红豆都唔会过甜好食另一款嘅甜品系芋泥芒果奶盖雪花盛盘外型好靓，上面有大大嚿奶同大粒芒果果肉，跟住再下面就系奶盖，佢用咗特别嘅整法将奶盖重现喺雪花冰上面最后重点就系要讲佢嘅雪花冰，并唔系普通嘅雪花冰，雪花冰入边会带有仙草，而仙草系同雪花冰完全融合，令到雪花冰食落有好绵密嘅感觉，又有淡淡嘅仙草味，加上甜度刚刚好，就咁食佢嘅仙草雪花冰已经好好食