四季良晨 (新都城中心) (已結業)

去左宝琳买电器，就顺便出街揾下边到有好食餐厅啦，呢几个月都冇得出街食好野，真系好闷！衬疫情稳定返少少，就出去食嘢放松下，刺激下经济！入去宝琳买野通常都系新都城揾食。所以留系新都城二期揾，之后发现原来有间台湾食店，叫四季良晨，好耐无去旅行喇系香港食住台湾野顶住先！睇餐牌有面饭，仲有小食同台湾特饮，好吸引！个间店地点系百佳附近，如果你地铁出转左，上电梯入商场再落一层转右就会见到个招牌四季良晨，招牌仲要识发光，真系好易揾到。我地二人等左一阵就可以入去，当时都有吾少人食梗。店内装修简单舒服，好文青，坐位同枱都坐得舒服，有足够安全距离。仲有店员都好小心，为每位入场客人量体温，再俾搓手液你消毒，所以你可以食得好放心。店内仲整左个书墙，有扭蛋机。如果你坐系书旁，仲可以边睇边食。我地睇完餐牌，价钱大众化五十几至七十几几，以晚餐来讲都好好，出面食晚餐有时都超过九十。天气热，我地点左二个汤饭同小食，分别系士林胡椒猪肚汤饭，虫草花杞子猪肚鸡汤饭，仲有椒盐花枝丸同台湾香肠！首先讲下士林胡椒猪肚汤饭，汤胡椒味重，岩哂钟意食辣既朋友仔！如果你想系屋企整，真系好大工程，又要洗又要清个猪肚，所以想饮就不如黎食餐汤饭。