老厝邊

营业中

休息中

今日去开铜锣湾揾嘢食，见到有间老厝边食台湾野，睇落都几抵食，而且都几爆场，前面都有两三pair人排队，于是决定试试佢。野食都有好多选择，面、饭、小食、台式茶饮都一应俱全。我叫左大肠面线，都几多大肠，而且卤水汁都几惹味，而面线都唔会过腍，面多过汤，唔错。主菜叫左盐酥鸡卤肉大碗饭，相当足料！盐酥鸡炸得够脆，而卤肉都炆得好入味，另外仲有青菜、芽菜、粟米等配菜，都几丰富。朋友叫左炸鸡排生茶酱汤面，生茶汤底好浓郁，而炸鸡排劲大块，最估唔到肉质好嫩滑，面就系粗蛋面，类似油面，都几挂汤。台式饮品有好多款，试左熟成奶茶，茶味几酵厚几特别。