牛壹台食 (已結業)

虽然牛壹台食这间餐厅在九龙湾宏照道6号鸿力工业中心B座地下B4A舖有新分店，不过既然来到湾仔，就入去食台湾牛肉面。😗下午六点前都仲有午市套餐，于是我就点了招牌红烧牛展牛肉面，跟餐可以加少少钱配一个盐酥鸡，另外叫了一杯苹果桂花茶。食物好快送到，用一个精致嘅木盘盛载所有嘅食物。牛肉面有大约五大嚿牛展，大嚿之余肉质柔软，同时保留了牛肉的质感，非常抵食。另外佢哋牛肉面嘅汤底都好够味，够浓之余亦都唔油腻。配合埋佢哋嘅关庙面，面嘅质感适中，一条条非常分明，与汤底非常合衬。盐酥鸡虽然只是一个小食，但系份量都几多，绝对满足到我暂时冇得去台湾夜市嘅思念🥰。表面嘅台式炸粉唔多，而且鸡肉肉质结实，而且从颜色上，可以看出是利用新鲜嘅油去料理。再加上表面少量嘅海苔粉，可以称得上是正宗嘅盐酥鸡。最后配上一杯苹果桂花茶，甜度和味道都是餐厅自己调配，但系亦有少量苹果果粒，留到最后先饮完就完美喇。