老媽拌麵 (將軍澳中心)

营业中

休息中

真系好怀念去台湾旅行既时候，日日都可以食好西，尤其系好味嘅牛肉面、拌面，好彩唔少台湾过江龙都嚟香港开店，就好似呢间老妈拌面咁，去唔到台湾都可以止下瘾。同朋友嗌咗个地狱麻辣牛肉拌面同麻辣老锅面、卤鸭舌同牛腱、百香果国宝茶。地狱牛肉辣味好劲，食落好刺激，牛肉有弹性，面就嗌左幼面，好挂汁之余，面质弹牙有口感，好香滑。而麻辣老锅面就好香药材味，反而无拌面咁辣，汤底香浓，入面更有唔少材料，例如鸭血、肥牛、响铃，最特别嘅系黑色猪肉丸，都几少见，而且咬落好多汁好香口，粗面烟韧爽口，连埋汤食好夹。另外仲嗌咗个卤鸭舌同牛腱，食落好入味，鸭舌好嫩滑，牛腱亦都好有肉味，唔会太硬。食完辣野就要饮啲嘢，呢个百香国宝茶，饮落酸酸甜甜好清新，好解渴。 价钱嚟讲都OK，食物份量刚好，而且质素唔错，可以再食。