滷友記 (加路連山道) (已結業)

铜锣湾闹市转角车仔面店，主打台湾卤水。店面装修企理，人流唔多，尚算阔落。招牌麻辣卤水米粉，已经包括左唔同嘅配菜，例如台湾嘅甜不辣，蜂巢豆腐，萝卜等等。卤水唔会过咸，辣到适中，蜂巢豆腐索晒啲汤汁，非常入味。萝卜清甜冇渣，非常大件，钟意食萝卜嘅朋友一定要试。另外叫咗一碗牛肉做主打嘅卤味，包括牛筋，牛𦟌及牛肚。呢一碗卤水冇加辣，卤水汤头可以饮用。如果觉得汤唔够辣或者唔够味，可以加入每张枱上面都有嘅辣酱，辣酱偏向台式。