洪師父牛肉麵 (已結業)

两点几，见唔使等位，立即坐底，仲有卡位可以选择。叫左推介既红烧牛肉面同埋牛三宝面，仲有娃娃菜，试下台湾饺子，可惜无炸甜地瓜😭😭。牛三宝，老老实实，牛肉系好有咬口，唔系好冧果只质地，牛肚就真系无乜味，有啲失望，牛根好冧不过无惊喜，反而个汤底真系真系好正好正好鬼正👏👏，唔系好浓既汤，好清，可以当汤水咁饮，饮完仲要一啲口渴既感觉都无，即系无味精，汤系值得赞！👍👍牛油辣椒油就一啲都唔似辣椒油，唔好食，反而酸菜同葱花，我建议大家饮几啖汤先，之后先加入碗面再食，咁就可以试清楚个汤底。个娃娃菜，好清淡，一定要配个肉燥食，好唔好食就见人见智，不过，唔食得辣，就唔好食啲红辣椒，真系几辣。综合饺子有两种味道，有粟米鲜肉水饺同高丽菜鲜肉水饺，味道系... 淡而无味，可以唔使试。综合，食牛肉或各款面都👌，大家可以试真个汤底，但其他小食类就可以免了。