鼎皇臭臭鍋 (已結業)

同朋友喺尖沙咀行完街饿饿到，一路行谂紧食咩，经过金马伦道发现有一间新开既臭臭锅，于是我地二话不说就入去试试。餐厅装修新颖，冷气又够坐位宽阔，坐得都几舒服。店内有8款唔同风味既一人锅选择，全部价钱都一样，另外仲有多款小食，饭类同台式饮品。因为行左成日好肚饿所以我地一人叫左一个锅同一人一个饭。我地叫左一个麻辣锅同一个黑麻油鸡锅。麻辣锅有得简辣度，因为本身都偏好辣所以简左中辣，滚起既时候药材味香而且飘出阵阵既麻味未食已经知道爽😆跟锅配料都相当丰富，台湾特色米血糕口感Q弹，带阵阵米香，肥牛虽然唔系顶级但牛味浓，蔬菜类亦见新鲜爽口。吸收晒所有精华既公仔面亦都不得不试🤤黑麻油鸡相对清淡但汤头浓郁，黑麻油味浓汤头饮完唔会好口渴。鸡肉选用鸡脾肉，嫩滑多汁，蚬都好鲜甜同无沙。台湾贡丸够正宗。另外叫左一个卤肉饭同鼎皇招牌炒饭。卤肉肥而不腻，油香味浓。招牌炒饭份量非常非常多，材料都好丰富，镬气好足，不知不觉食晒🤤最后叫左杯盆栽奶茶同台湾金橘梳打。盆栽奶茶即系奶茶面铺满满满既oreo饼碎。非常满足既一餐🤤🤤