九份•十分 (河畔花園) (已結業)

今日放假去左踩单车，踩完真系好累呀，所以要去食餐好补返数。沙田围其实都好多几吸引嘅餐厅，我地最后决定食九份十分。呢到嘅装修都充满著台湾嘅味道，有九份十分嘅挂画，台湾木制挂牌，令人好挂住台湾唷。我地黎嘅时候系下午餐时段，不过太肚饿嘅关系，我地都系点午餐加一个甜品。红烧半根半肉面牛肉面汤底带有微辣，浓郁惹味，而面条有口感，而重点嘅牛肉炆得好冧同好入味，真系好有台湾嘅味道呀!!盐酥鸡扒肉燥饭盐酥鸡扒好大块，外皮炸得够脆，而鸡肉非常嫩滑。而肉燥同饭嘅比例岩岩好，每啖饭都充满肉燥，正!!花美男遇见估唔到下午餐都可以点甜品食，我地点左芋圆。芋圆烟烟韧韧，口感好QQ。值得再来的台湾餐厅。