西門町台灣麵食 (已結業)

女人街一向有好多性价比高既餐厅，今次嚟左一间好有台湾味道既小店，七点几嚟到帮衬，人流络绎不绝。北投怪味鸡作为冷盘的怪味鸡，肉质嫩滑，上面既配料有蒜、辣椒，芫茜等，微酸几开胃。葱酿炸大肠炸大肠偏肥，外层薄脆，入面肥美得嚟仲有条香葱中和下，食呢碟小菜好有台湾既感觉🥰。台式烫青菜上面有小小肉碎，拌埋卤肉汁好入味。台式担担面担担面有麻酱既香味，面质既软硬度适中，上面配小小肉碎，味道更丰富。肉燥新竹米粉新竹米粉要尽快食，如果唔系好快会索哂啲汤，同样有埋肉碎，看似细碗但食极都仲有。擂沙汤圆汤圆上碟时仲系暖笠笠，咬落既流沙芝麻味道香浓，作为一个唔太heavy 既甜品真系好完美。香芋雪香好耐无饮过雪香☺️，加香芋系最正既配搭，连埋少少麦芽再多啲口感。珍珠奶茶无专登嗌少甜，但甜度控制得啱啱好。整体上，所有食物都系水准之作，有机会会再嚟食😋。