鐵牛台灣牛肉麵 (旺角中心第一座) (已結業)

因赶时间关系，见甘早无咩人就试吓依间。坐位都几多，装修简单，首先职员会带位，之后自己剔纸仔去收银比钱，拎返张收据返埋位就可以等食啦！嘢食好快就到，我拣咗红烧牛肉面，黎得台湾食店，梗系要试下牛肉面够唔够地道。牛肉都有成5至6件，咬落好淋而且好入味，有少少牛筋位，正！面质唔算弹牙，份量都唔细。热柠茶正常，都有3片柠檬，杯上面有埋餐厅LOGO，感觉几搞笑。当我食咗1/3，眨眼间就座满晒，甚至要等位添喇。