鮮芋仙 (創紀之城五期(apm))

营业中

休息中

同家姐去apm行街，见到鲜芋仙，咁就梗系一定要冲入去食啦。因为佢嘅芋圆系我最爱。招牌仙草冰沙 因为𠮶日天气比较冻，所以我就同店员讲咗走冰，原来走冰系会将全部冰沙变成仙草，感觉赚咗！呢款入面系会有芋圆 同埋仙草，今次仙草份量真系畀得好多，唔会太甜而且超滑，口感一流。芋圆一如既往嘅发挥得好，烟韧度适中但系会食到淡淡嘅芋圆香，而且会附送一个奶油球，畀我哋加入去食，加咗奶油球之后口感更加顺滑同埋多咗少少奶嘅甜味， 增加正! 另外我家姐想试新野，就叫咗个豆花4号，汤底就叫咗豆浆 ，所以食落好浓好香嘅豆味 。豆花食落都几滑，而且份量多，食极都仲有。整体嚟讲唔会太甜，加埋我最爱嘅芋圆好满足。为食嘅我哋仲加多咗一个抹茶布甸，布甸甜味适中，几香抹茶味。Apm呢间分店坐得都好舒服，地方阔落，下次一于再过嚟食。