木玥巷 (已結業)

又嚟元朗搵食聖地——朗屏天橋底一帶食好西。朋友話食過屯門嘅木玥巷，話唔錯，今日要入元朗做嘢，所以試下。紅燒牛肉麵 $72牛肉非常嫩，肉味濃，有入口即溶嘅感覺。麵底多，麵質亦彈牙。湯底濃郁，無論就咁飲定麵加湯一齊食，都唔膩。蟹肉金絲炒新竹米粉 $98米粉炒得好乾身，一啲都唔油膩。蟹肉能夠帶出鮮味，每啖米粉都伴隨住蟹肉。鹽酥雞 $54炸得好酥脆，外脆內嫩，而且仲有炸九層塔，非常地道。台灣手搖焦糖咖啡 $28咖啡香濃，焦糖唔會令咖啡太甜，啱啱好。黑糖茉莉花冬瓜茶 $28Lunch time 咁熱，飲返杯冬瓜茶消下暑！黑糖同冬瓜茶比例適中，唔會死甜，會同時飲到黑糖同冬瓜味。