品茶弄啡 (已結業)

近年尖沙咀开左多间台式饮品店, 我同老婆都好钟意饮, 尤其是近年大热的黑糖珍珠鲜奶。自从汉口道的品茶弄啡开业之后, 近几个月每次到尖沙咀我地都会去叹返杯。品茶弄啡的茶叶全由台湾直送, 黑糖系每日现场手炒而且冇加色素, 非常用心经营。我地今日下午15:00左右到尖沙咀, 因为系平日, 所以唔需要排好耐队。品茶弄啡除左茶叶出名之外, 咖啡亦都系其中一个卖点, 所以店内除左有茶叶罐摆设之外, 更设有Coffee Corner。我地今日点左手炒黑糖珍珠鲜奶同黑芝麻红豆鲜奶, 连埋排队10分钟饮品已经到手。手炒黑糖珍珠鲜奶 $32品茶弄啡的黑糖珍珠因为系现场人手炒制, 口感软糯, 味道香甜之余带有微微炭烧香味, 加上香滑鲜奶, 卖相都味道都好出色。黑芝麻红豆鲜奶 $30老婆今日点左呢款黑芝麻红豆鲜奶的热饮, 芝麻好浓郁, 唔会太甜, 红豆软腍, 热度刚好, 入口非常舒服。