牛品台式火鍋

营业中

休息中

天气开始凉，边炉瘾又起😚朋友推介呢间「牛品」，主打进口台湾食材，M9和牛，鸭血任食，劲吸引，铺头卡位为主，2个个罢4个位，爽呀。我哋食「牛御品套餐」，鸳鸯汤底拣左酸菜白肉锅 + 沙茶海鲜锅，两只汤底都好正，沙茶汤浓郁，渌完牛肉都唔需要点豉油了，完全够味，汤底入面仲有虾、青口同蚬；酸菜锅本身已经有好多猪五花，酸味适中自然。新鲜活鲍鱼系送嘅，渌一阵就食得，爽口弹牙。主力食澳洲M9肩胛肉、西班牙栗餇猪五花，碟碟都好似第一碟咁靓，又唔会过肥。台湾进口食材：心内美（颜色好靓嘅萝卜）、花枝浆（劲鲜甜，非常推荐）、高丽菜水饺、台湾烤香肠、炸番薯波波，真系样样都几好食。最后仲可以去甜品区自制一碗红豆凉粉爱玉芋圆糖水，正到～解左我小小台湾乡愁。