影片
更多
2024-03-08
33 浏览
壶 Potion House📍湾仔大王东街20号地舖朋友老细好好人，返工久唔久都会买手摇慰劳下同事，所以朋友公司附近嘅手摇店基本上都试匀晒。最近佢office经常叫呢间壶嘅饮品，而每次佢都会影相同我分享，搞到我一直心思思想饮返杯。有一日我行经利东街揾餐厅食lunch，发现原来佢就系附近，所以即兴约咗朋友放工陪我饮返杯，避开人潮。壶除系全港首间以果冻为主题嘅茶饮店外，以蓝、白、金作简约装修嘅门面非常吸引途人目光，加上系台湾人研发嘅品牌，亦设有少量座位同餐台仔，令人觉得耳目一新。 💰$42铁观音芝芝奶盖 🫖朋友一向都系经外卖速递形式叫佢哋嘅饮品，即冲即饮真系第一次。友善嘅店员推介佢拣微甜半冰呢个组合，再建议佢以$5加配桃花红茶冻，一尝佢哋手工制嘅招牌果冻。芝芝奶盖系列除咗铁观音外，其他都俾朋友饮过哂，佢话铁观音嘅茶底浓香，饮得出系用靓茶靓料冲泡嘅。桃花红茶冻为饮品增添口感，以红茶制成嘅手工果冻味道相对清新，用饮管小心一吸，口感滑溜带花嘅幽香。芝士奶盖厚度稠度适中，cream cheese味带少少咸味，饮到一半时混合茶中，摇身一变成奶味浓郁嘅茶饮。朋友最喜欢佢哋轻盈健康嘅感觉，咁大杯嘅饮品饮
📍湾仔大王东街20号地舖
朋友老细好好人，返工久唔久都会买手摇慰劳下同事，所以朋友公司附近嘅手摇店基本上都试匀晒。最近佢office经常叫呢间壶嘅饮品，而每次佢都会影相同我分享，搞到我一直心思思想饮返杯。有一日我行经利东街揾餐厅食lunch，发现原来佢就系附近，所以即兴约咗朋友放工陪我饮返杯，避开人潮。
壶除系全港首间以果冻为主题嘅茶饮店外，以蓝、白、金作简约装修嘅门面非常吸引途人目光，加上系台湾人研发嘅品牌，亦设有少量座位同餐台仔，令人觉得耳目一新。
[价钱 Price]
💰$42
铁观音芝芝奶盖 🫖
朋友一向都系经外卖速递形式叫佢哋嘅饮品，即冲即饮真系第一次。友善嘅店员推介佢拣微甜半冰呢个组合，再建议佢以$5加配桃花红茶冻，一尝佢哋手工制嘅招牌果冻。
芝芝奶盖系列除咗铁观音外，其他都俾朋友饮过哂，佢话铁观音嘅茶底浓香，饮得出系用靓茶靓料冲泡嘅。桃花红茶冻为饮品增添口感，以红茶制成嘅手工果冻味道相对清新，用饮管小心一吸，口感滑溜带花嘅幽香。
芝士奶盖厚度稠度适中，cream cheese味带少少咸味，饮到一半时混合茶中，摇身一变成奶味浓郁嘅茶饮。朋友最喜欢佢哋轻盈健康嘅感觉，咁大杯嘅饮品饮完都唔觉好大负担，用料上乘，实属难得！
[价钱 Price]
💰$44
斑兰撞椰奶 🥥
我甫见到menu就已经俾呢杯咁特别嘅斑兰撞椰奶吸引住眼球，除咗因为我自己本身好钟意饮椰奶之外，好似真系比较少会喺台式手摇店见到咁有南洋风情嘅配搭。我按店员嘅推介，拣咗微甜微冰，一入口就系好浓香嘅椰奶味，慢慢将顶层嘅斑兰混入后，味道变得更香甜、更有层次。
佢嘅质感比一般嘅泰式椰奶类饮品浓稠，但饮落无咁甜腻，而且斑兰味道天然，无任何添加剂，饮咁大杯都无罪恶感，相信夏天时饮会更解热解渴！
张贴
