古早牛肉麵 (已結業)

而家开番晚市，可以约朋友出黎食饭喇～ 好耐无去过旅行，好挂住台湾，我地不如先系香港食台湾茶吊下瘾。我地黎到呢间餐厅食饭，叫左两款主食、两款台式饮品同一款小食。三牛荟汤面内有牛腱、牛筋、牛肚，三款都煮得好入味又腍，牛筋一啲都唔黐牙汤底对于台底牛肉面黎讲系相当重要，呢碗牛肉面嘅汤底有好浓郁嘅药材味，入口有少少甘香嘅味道，做得几唔错面质好滑又弹牙，挂汤力面几好。香酥炸猪扒汤面猪扒即叫即炸，送到上黎仲系热辣辣，食落外层香脆，而且仲有肉汁，猪扒好易咬又大块而汤面嘅汤底同同面都系同牛肉面一样，如果唔想食牛肉，都可以一试呢款面。台式小香肠台湾肠系我最钟意嘅台式小食，呢度嘅台湾肠油脂味几丰富，如果有埋蒜片提供就更好喇～叫左面食，再叫饮品，可以减4蚊。.黑糖珍珠奶茶（少甜、少冰）黑糖味好重，珍珠几易咬，亦都有跟足我地要求，做到少甜少冰，茶底整得唔错，茶味好香浓，唔会只系得个「甜」字，入口仲有茶香。柠檬爱玉（少甜、少冰）之前食左咁多野，叫杯柠檬爱玉就岩哂，酸酸甜甜够哂开胃，爱玉啫喱软腍腍，好易就吸到。