茶木‧台式休閒餐廳 (MegaBox) (已結業)

响九龙湾行街，顺便入下货。嚟到Megabox 茶木食个台湾面，叫咗个微辣手工伴面嘅套餐: 有金盏花螺片浓鸡汤，自家制麻辣拌面，同埋仲有一个麻辣鸭血同腐皮素鸡。我另外加左杯冻奶茶。呢个餐嘅份量对于一个女士来讲就啱啱好，但男士就可能未必够食。想讲个鸡汤超浓，餐牌果然无呃人😝里面亦都有几件鸡件、有两朵金盏花(有少少甘味)、仲有鸡脾菇，几样野里面最正就系个汤。而个麻辣鸭血都有烟烟奀奀，但就唔够麻辣味(真系餐牌写嘅微辣)，同埋得一件又唔够喉😅个腐皮素鸡就个皮比较硬😪最后个面都够弹牙，有少少麻辣酱捞落去都够惹味。整体来讲都可以啦。