春禧堂台灣料理餐廳 (已搬遷) 新店位置

中港城终于都有新嘅食店啦！仲系我最爱既台湾野，当然一开张就急不及待同同事去食，果然绝对冇令大家失望。我地一行3人，个个都食到好满足。盐酥鸡扒面鸡扒好味头先就讲左，个特浓蕃茄汤底都非常有惊喜，蕃茄汤底浓度非常高，酸酸甜甜非常开胃，再配埋个弹牙烟韧既台湾面，非常啱我口味呀～盐酥鸡扒饭我同同事一直都最钟意食盐酥鸡扒，试过呢间之后，绝对无令我地失望，内脆内嫩的鸡扒炸得刚刚熟又唔会鞋，又够入味，绝对值得一试，再加试佢嘅配菜非常好味，送饭一流。除咗可以拣卤肉饭之外，仲可以拣鸡肉饭，出面食店好少有呢个选择，实在太贴心，对于怕肥嘅朋友仔，就可以食鸡肉饭啦～花之丸水饺台湾面我哋都系要左特浓蕃茄汤底，汤底真系好浓郁，水饺亦好入味，皮薄馅靓，花之丸亦好弹牙，啱哂一啲喜欢清淡嘅人。套餐仲包咗嘢饮珍珠红豆奶茶-茶味香浓唔会太甜 红豆亦好淋茉香绿茶-好香茉莉味，同事想叫多杯外卖添呀幸福红豆乳酪-听个名都觉得好幸福，甜度可以选择，红豆乳酪都好夹。