綠野仙踪 (已結業)

同朋友黎tst拎野，由巴士總站出黎已經中午，一於係樓上中港城解決lunch。幾間食店都坐唔少人，門口擺的menu似乎都係綠野仙蹤選擇多啲？於是又食返。人多，天氣又熱，坐入邊嘅話只能搭枱。一人嗌一個飯類lunch set，可以share。肉燥飯一般，味道平凡無奇，仲比唔上國泰飛台灣提供的肉燥飯盒。糖醋金沙骨做得唔錯，燜得軟爛入味，糖醋比例調得幾正，朋友是老上海，話個味幾乎同上海一模一樣😂麻辣口水雞不麻不辣，但個雞ok滑，幾下飯。畀的是脾位，份量又大，唔錯唔錯。凍珍珠奶茶要重點表揚下，味道正，茶、糖、奶校得啱好，唔會有茶多的澀，糖重的漏。算係今餐的意外驚喜！前菜可以忽略不計，難食。