鮮芋仙 (V Point )

营业中

休息中

鲜芋仙应该冇乜人冇听过？🤔想食好耐但系次次去亲都排晒长龙，今次早左去到，见唔算好多人，就排下佢，好彩都唔系排左好耐。食完之后真系一试爱上🥰好好食，同埋好抵食。大大份可以同朋友share都系五十几蚊一份。唔怪之得长期都咁多人排队啦。1️⃣布丁Q麻糬牛奶冰（$58）好大份，真系成座山咁，呢个价钱可以有咁大份真系好抵食。完全够两至三个人share😯配料有麻糬、冬瓜冻、小芋圆、布丁同埋面头有一球云呢拿雪糕。麻糬有两款，一白一黑，黑既系黑糖味既，我个人就钟意普通既白色果款多啲。另外小芋圆烟烟韧韧口感十足🥰而布丁本身应该系有焦糖布丁同埋杏仁布丁两款，但系果日焦糖布丁卖晒，得番杏仁布丁，所以就两个都系杏仁布丁🍮杏仁布丁味道系有啲似杏仁茶既淡既版本，都唔错，几动L同埋滑🤤  牛奶冰好多，牛奶味好香😍不过食到底部既冰就冇乜牛奶味la，好似食紧冇味既冰咁，不过呢个时候捞埋雪糕同其他配料一齐食，都绝对唔会觉得单调😋  2️⃣招牌仙草冰沙（$45）呢个比我想像中惊喜，作为本身唔钟意食仙草既人，我都觉得呢个唔错bor😙仙草既甘苦味唔会太强，食落好滑，配埋花奶更加好味。仙草沙冰系黑糖味既，唔会太甜，同仙草既味道好夹😌另外