影片
更多
2021-12-30
646 浏览
喺尖沙咀等朋友之际，预期企住等，倒不如揾个地方坐低。旧K11商场内开咗间新嘅饮料店，名叫「大苑子」，原来大有来头，系嚟自台湾嘅过江龙店🇹🇼。由于系新开，小店现时做紧唔少推广优惠活动，当中包括购买指定饮品有九折，又或者可以喺网上买Coupon，即买即用，几方便👍。小店设有少量堂食座位，感觉写意，行到攰坐低歇下脚都几舒服😘。台湾金桔粒脆纤果($36/大杯)，呢杯采用台湾水果嘅特饮正啊喂！🍊鲜搾金桔，香味扑鼻，酸度无柠檬咁强，嗌三分糖啱啱好。同时，饮品配料同样出色，包括有脆脆嘅脆纤果(奇亚籽？)、软QQ嘅爱玉啫喱以及芦荟等，咀嚼口感丰富，而且更富有膳食纤维，健康之选。黄金珍珠红茶拿铁($31/中杯)，拿铁带有自家特色，茶味唔算好香，但胜在唔会太甜🌿️，而且口感亦都几顺滑。珍珠晶凝通透，质感烟韧，啜极都仲有☺️。芒果鲜奶酪($28)，甜品同想像中有啲出入，因为「奶酪」一词令我谂起乳酪或酸奶🥛，但佢实际上系奶冻，或者用英文Panna Cotta形容更贴切。不过最值得赞系台湾爱文芒真系好甜啊🥭！总括嚟讲，呢间饮料店唔错，用水果做主题，有卖点，杀出条血路🤣！但可能由于系新开，小店暂时有唔少产品都未能提供
喺尖沙咀等朋友之际，预期企住等，倒不如揾个地方坐低。旧K11商场内开咗间新嘅饮料店，名叫「大苑子」，原来大有来头，系嚟自台湾嘅过江龙店🇹🇼。
由于系新开，小店现时做紧唔少推广优惠活动，当中包括购买指定饮品有九折，又或者可以喺网上买Coupon，即买即用，几方便👍。
小店设有少量堂食座位，感觉写意，行到攰坐低歇下脚都几舒服😘。
台湾金桔粒脆纤果
$36
7 浏览
0 赞好
0 留言
黄金珍珠红茶拿铁($31/中杯)，拿铁带有自家特色，茶味唔算好香，但胜在唔会太甜🌿️，而且口感亦都几顺滑。珍珠晶凝通透，质感烟韧，啜极都仲有☺️。
芒果鲜奶酪($28)，甜品同想像中有啲出入，因为「奶酪」一词令我谂起乳酪或酸奶🥛，但佢实际上系奶冻，或者用英文Panna Cotta形容更贴切。不过最值得赞系台湾爱文芒真系好甜啊🥭！
总括嚟讲，呢间饮料店唔错，用水果做主题，有卖点，杀出条血路🤣！但可能由于系新开，小店暂时有唔少产品都未能提供，期待迟啲有机会试埋其他口味啊。
张贴
