無老鍋

营业中

休息中

系众多间火锅店入面无老锅嘅麻辣火锅真系世一初开业时已到访过最近又想食鸭血 即刻订台 台上已经有4枝汤底☺️可以随时自己加汤底 超贴心 🔸鸳鸯锅 (无老香辣锅+冰淇淋豆腐锅) $244两个汤底上台时已经有大量鸭血同面包豆腐在内，可以无限量添加👍无老锅麻辣味比一般火锅店嘅麻辣汤底香好多，麻而唔算太辣，啱晒我。冰淇淋豆腐锅配有两粒冰淇淋系由花枝浆和豆腐浆制成，咬落去口感软绵绵，真系好有食紧雪糕嘅感觉。🔸安格斯肥牛 $308 安格斯肥牛肉质肉质鲜美，油脂分布均匀，令到肉质更加嫩滑多汁，口感丰富，带有浓郁嘅肉味。仲要每一片唔会好薄，配上麻辣汤底渌十秒都已经熟。🔸综合饺 $118综合饺有3款饺在内，有燕饺、鱼皮饺同蛋饺。每款食落都好有爵劲。🔸日本黑豚手工丸 $58呢款手工丸用左嚟自鹿儿岛黑豚肉，系由鹿儿岛牧场直送。食得出口感同味道比一般坊间猪肉丸差别什大。用上黑豚肉，肉质会鲜甜但唔会好结实，有少少似食紧迷你版汉堡扒。🔸水蜜桃沙冰店员非常贴心，留意到我地食完火锅，随即送上水蜜桃沙冰🍑 食完又热又辣嘅边炉，饮翻杯沙冰好透心凉，仲有消除油腻嘅功效。