嚐仙

营业中

休息中

呢间尝仙对我黎讲同鲜芋仙都有得fight，一样系有冰食，有芋圆、仙草呢类台式甜品食，而且都系大大碗性价比好高既🤤不过呢间就唔洗排队😙  1️⃣五式牛奶冰（$55）可以自选五款配料，拣左芋泥、芋圆、布丁、黑糖冻、嫩仙草。芋泥食落系实在，唔会好甜。芋圆烟韧。布丁、黑糖冻、仙草滑溜，而且每样配料份量都好多🤤底下既牛奶冰好够奶味～而且仲另外比左炼奶加落去😋  2⃣️五式黑糖冰（$55） 自选五款配料拣左地瓜泥、黑糖冻、嫩仙草、花生、小丸子。地瓜泥好好食！比较少见既配料，食得出地瓜既香味，仲有少少粒粒地瓜食到～另外小丸子都系几弹几烟韧👍黑糖冰比较甜啲，但系都好好食～消暑一流😍  3⃣️杏仁布甸一号（$49）配料有芋圆、椰果、水蜜桃同埋杏仁布甸。呢款系限定既，杏仁布甸味道有啲似杏霜咁，不过系淡味版，配埋啲配料一齐食唔错！另外个底仲有啲碎冰。  4⃣️黑糖神仙珍珠奶（$33） 黑糖珍珠鲜奶加仙草，配料好足😚不过珍珠偏细粒，同埋唔够烟韧。但系整体味道系好饮既。不过杯野饮都几甜，下次应该嗌翻少甜🙈