燈籠滷味 (登龍街) (已結業)

铜锣湾周围揾食，终于可以试吓久仰大名嘅台湾过江龙灯笼卤味，舖头位于登龙街，非常方便。我哋一人一份嗌咗好似车仔面咁样自选配菜既油面，佢个卤水汁卤得非常之入味，唔会太咸之余仲食到好香卤水汁入边材料嘅味道。以为嗌一个油面再加少少𩠌会唔够饱，点知嚟到咁大碗咁，非常足料，牛腱一个碗已经有好多块，猪耳亦都好爽脆，连甜不辣都好好味。嚟到台式餐厅，当然要一人一杯台式饮品先够过瘾，我地嗌咗珍珠奶茶，另一杯就普通奶绿。珍珠奶茶嘅珍珠唔会太甜，亦都好有弹Q弹Q嘅感觉，奶绿呢个茶底亦都好清香，媲美得上台湾嘅夜市。最后我哋嗌咗瞓台湾肠仔配蒜，一啖咬落去，相映成趣，真系好有台湾嘅回忆。