阿木台灣麵 (廣華街) (已結業)

太座话要去家乐坊买衫，一家三口都好耐冇去𠮶边，唔揸车由石门坐铁路出去都好快又方便!出到去都十人十睇吓有咩食，发现到呢间台湾面呢个钟数仲系咁多人，于是入去试吓有咩咁好食，坐低唔知食乜，睇餐牌见到标示“好吃”之类照点唔会点错，一定系招牌食品!食台湾面当然首选系食牛肉面，个人较喜欢食牛筋，叫咗红烧牛肉牛筋面，牛肉够淋有肉味，牛筋一定唔可以硬，呢度够软身有食骨胶原嘅感觉；汤底浓度适中，唔会饮完觉得口渴；家传盐酥肉便当，够胆叫家传果然名不虚传，条状外形以为古怪，食一啖就知从来未食过咁好食嘅盐酥肉，加上适嘅量肉燥饭，吃清光!炸花枝丸已经好味但都唔够台式炸大肠咁惊喜，庆幸之前冇喺隔离街食街边炸大肠，呢度皮脆肉滑，唔会过咸，厨师好嘢!太座饮芝士岩盐奶盖青春茶，佢话更胜出面嘅茶舖，我拣咗金钻凤梨红茶，每饮一啖都有细细粒嘅菠萝，又唔太甜，所以我建议大家唔使点少甜；值得一提系呢度𠮶只自家制麻辣酱，对于唔嗜辣嘅我都觉好香口，难怪嗜辣嘅太座系咁加，最后仲买咗一樽返屋企!我见到餐牌仲有好多款食品都好吸引，好似炸甜不辣、芝士肉松蛋饼唔系度度有，下次一定叫嚟食!期待!