黑布小巷 (黑布街) (已結業)

讲咗超多次，差唔多成年，我同友人终于终于终于嚟到呢间小店到时试佢哋嘅吐司同埋芋泥球！之前都见到好多人都试过呢一间嘅台湾小食，个个都话性价比超高而且佢哋所制作嘅吐司入边嘅猪扒超好食！今日我哋大概下午3:00左右去到黑布小巷，用咗5分钟嘅时间就拣好咗佢哋嘅招牌台式肉蛋芝士吐司同咸蛋肉松芋泥球！嗌完之后店员叫我地等大概1x分钟, 咁我哋就坐咗喺隔离等，不过等得有啲耐嘅大概要20分钟左右先至有得食。不过一切嘅等待都系值得㗎，因为佢哋嘅吐司同埋芋泥球都劲好食。有人直情系赞不绝口话佢哋嘅猪扒加埋芝士加埋面包加埋半熟蛋嘅口感非常丰富，而芋泥球都好足料，啖啖芋泥～ 正！