刈Bao台式創意小食 (已結業)

武汉肺炎肆虐至今，葵涌广场可谓其中一个重灾区，由于学校停课，少咗学生帮衬 ，成个场水尽鹅飞，唔少黄店告急。早排行完城门水塘，专登过去一连帮衬咗几间，略尽绵力。其中呢间系食台式小食，既然以刈包挂帅，当然要试下呢个招牌菜。我哋叫咗最传统嘅古早味腩肉刈包，材料有腩肉，花生碎，菜脯，生菜丝，酸萝卜，芫茜等，味道同口感都好丰富，不过唔知系咪要迎合香港人嘅口味，块腩肉略嫌唔系好够肥，如果再肥返少少就非常正。店面有海量嘅文宣同澎湃到就快遮住个招牌嘅连侬墙，可谓黄到发光，一路食一路欣赏，倍觉畅快。