老鍋台式火鍋 (已結業)

香港人一年四季都中意打边炉。去完台湾番黎爱上左台式火锅。老锅台式火锅喺铜锣湾有两间分店，今次到访澳门逸园中心店。餐厅位置唔算多，枱与枱间有适量空间，二人枱够阔落，坐得舒适。枱边设有布篮，客人可以放置个人物品。装潢方面走中国风，木色枱櫈，以格子木门作分隔，有点古色古香嘅味道。酱料区嘅酱料款式都算齐全，有青葱、芫荽、炸蒜粒、醋、沙茶酱等。胶原蛋白美人锅($228)汤底十分足料！有一整只乌鸡、杞子、红枣、粟米、冬菇、京葱同埋劲量嘅桃胶。据讲桃胶具有丰富嘅骨胶原，有美颜嘅作用，而乌鸡则滋润补身，唔怪之得呢一锅叫做美人锅！黑白双滑($88)超级爽口弹牙嘅墨鱼滑。黑色嘅麦汁墨鱼滑有惊喜，墨鱼鲜味突出。3秒响铃卷($48)虽然写住滚3秒就食得，但我觉得滚多一阵咬落冇咁硬比较好食。响铃卷系现炸嘅非常金黄香脆。千张豆叶纸($48)唔好睇佢平平无奇嘅外表，食落腐皮豆味香浓。一滚就熟，仲吸晒汤汁嘅精华，正！特级美国安格斯雪花肥牛($188)同埋红柿白玉双拼($58)。肥牛嘅雪花分布好平均，肉同脂肪嘅比例刚刚好，肉质嫩滑。蕃茄又大又新鲜，白萝卜非常鲜甜完全冇根唔会老。宽粉条($48)煮熟后呈透明状，口感有啲似