8090 好時光 (已結業)

以前会以为天水围好远，所以都甚少入黎。自从身边多左朋友住天水围后，就多左入黎喇，而且搭西铁系非常方便呀。琴日朋友带左我黎食台湾菜，佢话食过好食要带我试下。估唔到喺佢屋企楼下的商场都食到出色既台湾菜。打开餐牌见到个设计都好精美，食物种类都多，我地拣左几款热食同小食就开餐喇。等左无几耐就出餐喇，出餐速度都快，赞！哩碗红烧牛肉面大大碗，个汤底浓味，牛腩好林值得一赞。哩度既小食都好食，特别系哩碟盐酥花枝小丸炸得香脆，丸内有粒粒墨肉增加咬口感。我中意食呀！哩个饺子好似飞碟咁几得意。睇餐牌系哩度既招牌菜之一。饺子肉汁多，皮薄香口，的确唔错！饮品我就点左玫瑰花绿茶，玫瑰花清香，养生饮品最喜欢。哩间餐厅有棵人造大树好特别，营造户外既感觉，好靓！室外既阳光照射入黎好温暖。