西門町台灣麵食 (已結業)

如果突然想念台湾美食，但又无钱无时间即刻飞番一转台湾既话，西门町可能系你一个好选择。旺角出名多野食，但真心觉得好食既真系黎黎去去都系个几间。隐藏系女人街接近尾段，要揾的话其实唔难，搭地铁建议系油麻地出，去到登打士街（好多野食个条街），见到ok转入去，行一阵就会见到呢一间小店。话明小店，地方梗系唔会大得去边，一眼睇晒，而且夜晚都几多人帮衬，如果想食真系要早少少去，唔系既话就要忍受企系条狭窄、好多行人、闷热既巷仔慢慢等位。讲返食物，今次叫左个二人餐（$198)黎食。钟意食酸酸辣辣野食既你就岩喇！呢个酸辣粉皮好开胃，味道偏酸，微辣，但略嫌碎左少少，每次挟起得细细块，粉皮可以再滑少少。呢个系我最钟意既担担面，汤底有好浓既花生味，面既硬度适中：）肉臊饭味道一般，酱汁尚算足够，肉臊咸度适中，不过不失。醉鸡既酒味无之前食咁重，肉唔太肥但唔滑偏淋。芒果沙律凤尾虾炸得好脆，食落去唔太油腻，但真系食唔出有芒果味。叫左两杯玉露，味道唔错，岩晒依家呢d热辣辣既天气饮！套餐会送所谓甜品，啫喱两个，无咩特别。整体来说，食物味道不错，上菜速度算快，除左地方较逼之外，系一个怀缅台湾美食既好地方。