九份•十分 (河畔花園) (已結業)

记得以前读中学嘅时候，因为收入低，同朋友出国旅行只会拣去台湾，一来觉得啲嘢比较平，二来台式食品都系非常之好味，明明都系𠮶啲食材，台湾人总系可以令到食物添上特别嘅风味。早廿年，香港都有好多台式野，特别系台式饮品，仙xx仙yy开到一街都系，不过近十年感觉被日式连锁店抢左风头。依家系香港揾间有台湾风味嘅台式餐厅都唔系易，今日发现左呢间系沙田围呢间九份十份，真系几值得推荐。盐酥鸡，大大件，十分香口，如果有啤酒就好喇。可以自行调味，有芝士、梅子、紫菜，都几特别，不过我都系钟意原味加香辣味。另外叫左碟细嘅卤水拼盘，有鸡翼、蛋、猪肠、鸡肾、鸭舌等，非常入味，捞饭食就最好喇台式肠拼卤肉饭，仲有豆腐同蛋。我觉得重点系个饭度，卤肉煮得好好味，汁唔多唔少，同饭捞埋食非常开胃，虽然台湾肠都好好味，但原全唔需要佢黎都可以食晒碗卤肉饭，台式鸭舌都比较易系香港揾到，但醉鸭舌就真系好少。几特别，酒味唔太浓，鸭舌都上到酒味，咬落仲有啲酒香，加埋个鸭舌个口感同食法，又系几惹味点少得台式饮品呢？我比较钟意classic野，所以叫左杯香芋珍珠，我朋友就叫左杯仲正既，好味环境方面，坐得舒服，较阔落。服务非常好，有心有力敬业乐业