阿木台灣麵 (廣華街) (已結業)

朋友话旺角新开咗间台湾嘢好好食，而且系由台湾人亲自主理，好有台湾嘅风味，今日出开旺角当然要试下。自家制麻辣酱本身钟意食少少辣，所以落咗啲麻辣酱，成碗面嘅味道即刻提升咗，好香好惹味。红烧牛肉牛筋面 ($69)一夹起啲牛筋就已经知道好淋，入口仲好软滑。牛肉同牛筋入味又好淋，汤底浓郁，面质弹牙。家传盐酥肉 ($39)盐酥鸡食得多，盐酥肉都系第一次食，原来系台湾人嘅住家𩠌。香口酥脆，肉质爽口弹牙，充满肉汁，唔会好油腻同好炸，正！芝士肉松蛋饼 ($42)蛋饼外层香脆，烟烟韧韧，口感丰富。入口好有蛋香，加埋肉松甜甜地又惹味，味道有层次。黑糖珍珠鲜奶 ($17)凡系点咗牛肉面同便当(1-10号)，都可以半价点所有饮品。珍珠弹牙，鲜奶滑身，入口充满黑糖味，但味道又唔会死甜。冰糖雪耳芋圆汤 ($32)好足料，杞子雪耳份量多，甜度适中。芋圆烟烟韧韧，口感Q弹。自家制麻辣酱 ($48)食过个麻辣酱觉得唔错，而屋企人又钟意食辣，于是就买走一樽。