哈豆

营业中

休息中

一入门口，就听到台湾式既欢迎光临💛部分店员应该系台湾人，讲国语的。鲜梅猪排卤肉饭$68 佢块猪扒好大块，虽然猪扒上面冇加味粉，但腌得够入味，所以皮脆多肉汁。卤肉饭上面唔系肉碎，而系一块块既猪肉，汁好足够，捞埋饭食好好味。台式麻油鸡汤面线 $68佢个麻油味一上枱就闻到，好香，而且佢面线🍜分开上，可以俾你饮一啖鸡汤先，饮落似冇落到味精，鸡都炖得好滑。炸物拼盘 $49款式都几多，有盐酥鸡，香肠，🍤卷，丸子及蕃薯条，味道都唔错，炸蕃薯条上有甘梅粉，酸酸地入口，几好味。🧋跟餐叫饮品可以每杯-$10阿华田豆浆 $32佢个阿华田雪条系自制，上枱时，服务员介绍系饮左几啖豆浆先，之后先将雪条放入去。等佢溶哂之后，搅匀佢，就系阿华田豆浆啦，几特别。鲜榨🍋椰果多多 $32几开胃，配埋炸野食，岩岩好，仲可以解济。