大頭芋烘焙

营业中

休息中

之前食过同事派嘅散水饼，得知呢间卖台湾芋头酥店舖几出名，就再买咗几款芋头酥食，标榜不含防腐剂，无色素，唔使飞去台湾都食到 💜原味芋头酥一层层整到玫瑰花型嘅酥皮，入口松脆，内里芋泥足料，绵滑有芋香，芋头味最浓郁 💛蛋黄芋头酥多了蛋黄系入面，入口多了份咸香味 💚麻薯芋头酥呢个入面有我最爱嘅麻薯，外层酥香，入口除了有满满芋泥仲多咗份烟烟韧韧嘅口感，又唔会太甜，真系食完一粒又一粒 🥯伯爵茶贝果见有新产品埂系要试吓啦，就买咗其中一款，嗅觉同入口都充满伯爵茶香味，食落烟烟韧韧，下次再买其他试