肯德基家鄉雞 (KFC) (已結業)

香港终于有麻辣炸鸡食啦... 上年12月去台湾旅行食过"椒香麻辣脆鸡"，一试难忘。今次喺香港见到呢个"椒麻脆辣鸡"，钟意麻辣又钟意食炸鸡嘅我一定要试埋.....当然，完全了解两地推出可能唔系同一样嘢，但因为上次太好食，又因为呢次系冲住回味上次味道而食，所以呢次评论我亦难免会以先入为主的心态，去跟𠮶次台湾作对比。首先鸡件鸡肉炸粉比例为佢哋基本鸡件制作水准，香口干身，鸡肉都算嫩，个人嚟计都OK。讲重点个麻辣，椒麻脆辣鸡打开有传嚟麻辣香味，但细心检查一下，发现原来真系唔系我心目中台湾食过果种，香港呢个系用味粉洒面，整体比较干身脆口，入口如果唔食皮就同食普通炸鸡一般。而台湾果个系醮麻辣酱汁，个人比较喜欢醮有酱汁炸鸡。辣度方面，椒麻脆辣鸡唔算好辣不过够香，适合一般人食，相信系因为想穏阵采取保守策略而唔敢过辣，嗜辣者可能会失望。台湾果个系大辣，好刺激！不过呢次啲鸡系啱啱炸(定焗)起非常咁热，所以加分不少。