阿元來了 (北街)

营业中

休息中

成日嚟坚尼地城，每一次都见到阿元来了门口排晒长龙。今日难得下午茶时段经过，完全冇人龙。所以就必定要入去试下究竟点解咁好味。我谂除咗系黄店之外，佢嘅食物都有一定咁上下嘅水准先可以吸引到咁多客人。咁就叫一个台湾必食嘅卤肉饭。呢一个系佢店嘅招牌菜有细碗同大碗嘅选择。大碗配有半只卤蛋、腌萝卜、几条青菜。你见到佢嘅卤肉系肥瘦夹杂，所以系卤得特别入味同惹味，因为呢啲猪肉系要有啲肥膏先至有油香，不过唔怕肥腻，因为已经卤到落晒落个汁度。而且佢嘅肉质已经完全被软化了，入口即溶般。再加一个小食盐酥鸡，外层既粉浆薄，而且够椒盐香，入边嘅鸡肉就保持到Juicy同埋嫩。食晒两款台湾必叫嘅菜式，而且仲要唔使排队，心入边真系大满足，系一个好运嘅日子。