三星台菜食堂 (The L. Square) (已結業)

周二晚应美人姐姐推介，收工后与会计小姐一同去铜锣湾追星，一访靓女明星开设o既台菜新宠「三星台菜食堂」。高层食堂占用面积全层，间隔开扬，光线充裕，落地玻璃窗旁一排高櫈散座更可望到铜锣湾街景及跑马地马场。内墙挂出多件米色围裙。配上砖墙一角o既干花厨具，温馨得好有家o既感觉。升降机边则以电视机箱型黑板写出精选推介项目，趣致可爱极。谂食咩前，两口子先每人点咗杯冻饮解一解渴，消一消暑。是日推介之橙香蜜绿（$38）：特饮o既蜜糖绿茶底清香淡薄，拼上鲜橙块同橙汁，效果极之清新爽甜，当真感激温婉o既姐姐仔诚意推荐。小店只有一页点菜纸，简单易明。当中以炸物o既菜名最为搞鬼，如「大肠就是狂」、「真的好虾卷」等。二人好快就决定分一碗招牌「三星牛肉面」，再加多几款好菜小食。三星牛肉面（$82）：走辣o既三星牛肉面个汤底十分香甜浓郁，会计小姐第一口饮落已大赞足料，仲拍哂手掌添！粗粗o既面条烟韧富弹性，料中o既牛筋及牛肋肉均松润入味兼有赵头，实为极品也，相信米芝莲食完都要俾足三星呀！肉松黑白配《皮蛋豆腐》（$42）：大大砖豆腐白滑软润，混入埋肉松同皮蛋，食落好够香浓，组合o既协调犹如太极黑白配对般微妙。椒盐四季豆